गणपति अथर्वशीर्ष - ॐ नमस्ते गणपतये
ॐ भद्रं कर्णेभिः शृणुयाम देवाः ।
भद्रं पश्येमाक्षभिर्यजत्राः ।
स्थिरैरङ्गैस्तुष्टुवाग्ँसस्तनूभिः ।
व्यशेम देवहितं यदायूः ।
स्वस्ति न इन्द्रो वृद्धश्रवाः ।
स्वस्ति नः पूषा विश्ववेदाः ।
स्वस्ति नस्तार्क्ष्यो अरिष्टनेमिः ।
स्वस्ति नो बृहस्पतिर्दधातु ॥
ॐ शान्तिः शान्तिः शान्तिः ॥
ॐ नमस्ते गणपतये ॥१॥
त्वमेव प्रत्यक्षं तत्त्वमसि ।
त्वमेव केवलं कर्ताऽसि ।
त्वमेव केवलं धर्ताऽसि ।
त्वमेव केवलं हर्ताऽसि ।
त्वमेव सर्वं खल्विदं ब्रह्मासि ।
त्वं साक्षादात्माऽसि नित्यम् ॥२॥
ऋतं वच्मि । सत्यं वच्मि ॥३॥
अव त्वं माम् ।
अव वक्तारम् ।
अव श्रोतारम् ।
अव दातारम् ।
अव धातारम् ।
अवानूचानमव शिष्यम् ।
अव पुरस्तात् ।
अव दक्षिणात्तात् ।
अव पश्चात्तात् ।
अवोत्तरात्तात् ।
अव चोर्ध्वात्तात् ।
अवाधरात्तात् ।
सर्वतो मां पाहि पाहि समन्तात् ॥४॥
त्वं वाङ्मयस्त्वं चिन्मयः ।
त्वमानन्दमयस्त्वं ब्रह्ममयः ।
त्वं सच्चिदानन्दाऽद्वितीयोऽसि ।
त्वं प्रत्यक्षं ब्रह्मासि ।
त्वं ज्ञानमयो विज्ञानमयोऽसि ॥५॥
सर्वं जगदिदं त्वत्तो जायते ।
सर्वं जगदिदं त्वत्तस्तिष्ठति ।
सर्वं जगदिदं त्वयि लयमेष्यति ।
सर्वं जगदिदं त्वयि प्रत्येति ।
त्वं भूमिरापोऽनलोऽनिलो नभः ।
त्वं चत्वारि वाक् {परिमिता} पदानि ।
त्वं गुणत्रयातीतः ।
त्वं अवस्थात्रयातीतः ।
त्वं देहत्रयातीतः ।
त्वं कालत्रयातीतः ।
त्वं मूलाधारस्थितोऽसि नित्यम् ।
त्वं शक्तित्रयात्मकः ।
त्वां योगिनो ध्यायन्ति नित्यम् ।
त्वं ब्रह्मा त्वं विष्णुस्त्वं
रुद्रस्त्वमिन्द्रस्त्वमग्निस्त्वं
वायुस्त्वं सूर्यस्त्वं चन्द्रमास्त्वं
ब्रह्म भूर्भुवस्सुवरोम् ॥६॥
गणादिं पूर्वमुच्चार्य वर्णादींस्तदनन्तरम् ।
अनुस्वारः परतरः ।
अर्धेन्दुलसितम् ।
तारेण ऋद्धम् ।
एतत्तव मनुस्वरूपम् ॥७॥
गकारः पूर्वरूपम् ।
अकारो मध्यरूपम् ।
अनुस्वारश्चान्त्यरूपम् ।
बिन्दुरुत्तररूपम् ।
नादस्संधानम् ।
सग्ंहिता संधिः ॥८॥
सैषा गणेशविद्या ।
गणक ऋषिः ।
निचृद्गायत्रीच्छन्दः ।
गणपतिर्देवता ।
ॐ गं गणपतये नमः ॥९॥
एकदन्ताय विद्महे वक्रतुण्डाय धीमहि ।
तन्नो दन्तिः प्रचोदयात् ॥१०॥
एकदन्तं चतुर्हस्तं पाशमङ्कुशधारिणम् ।
रदं च वरदं हस्तैर्बिभ्राणं मूषकध्वजम् ॥
रक्तं लम्बोदरं शूर्पकर्णकं रक्तवाससम् ।
रक्तगन्धानुलिप्ताङ्गं रक्तपुष्पैस्सुपूजितम् ॥
भक्तानुकम्पिनं देवं जगत्कारणमच्युतम् ।
आविर्भूतं च सृष्ट्यादौ प्रकृतेः पुरुषात्परम् ।
एवं ध्यायति यो नित्यं स योगी योगिनां वरः ॥११॥
नमो व्रातपतये ।
नमो गणपतये ।
नमः प्रमथपतये ।
नमस्तेऽस्तु लम्बोदरायैकदन्ताय
विघ्ननाशिने शिवसुताय वरदमूर्तये नमः ॥१२॥
एतदथर्वशीर्षं योऽधीते स ब्रह्मभूयाय कल्पते ।
स सर्वविघ्नैर्न बाध्यते ।
स सर्वत्र सुखमेधते ।
स पञ्चमहापापात्प्रमुच्यते ।
सायमधीयानो दिवसकृतं पापं नाशयति ।
प्रातरधीयानो रात्रिकृतं पापं नाशयति ।
सायं प्रातः प्रयुञ्जानो पापोऽपापो भवति ।
सर्वत्राधीयानोऽपविघ्नो भवति ।
धर्मार्थकाममोक्षं च विन्दति ॥१३॥
इदमथर्वशीर्षमशिष्याय न देयम् ।
यो यदि मोहाद्दास्यति स पापीयान् भवति ।
सहस्रावर्तनाद्यं यं काममधीते तं तमनेन साधयेत् ॥१४॥
अनेन गणपतिमभिषिञ्चति स वाग्मी भवति ।
चतुर्थ्यामनश्नन् जपति स विद्यावान् भवति ।
इत्यथर्वणवाक्यम् ।
ब्रह्माद्यावरणं विद्यान्न बिभेति कदाचनेति ॥१५॥
यो दूर्वाङ्कुरैर्यजति स वैश्रवणोपमो भवति ।
यो लाजैर्यजति स यशोवान् भवति ।
स मेधावान् भवति ।
यो मोदकसहस्रेण यजति स वाञ्छितफलमवाप्नोति ।
यस्साज्यसमिद्भिर्यजति स सर्वं लभते स सर्वं लभते ॥१६॥
अष्टौ ब्राह्मणान् सम्यग् ग्राहयित्वा सूर्यवर्चस्वी भवति ।
सूर्यग्रहेमहानद्यां प्रतिमासन्निधौ वा जप्त्वा सिद्धमन्त्रो भवति
महाविघ्नात् प्रमुच्यते ।
महादोषात् प्रमुच्यते ।
महाप्रत्यवायात् प्रमुच्यते ।
स सर्वविद् भवति स सर्वविद् भवति ।
य एवं वेद ।
इत्युपनिषत् ॥१७॥
✨ लाभ (Benefits)
गणपति अथर्वशीर्ष का पाठ करने से जीवन में अनेक सकारात्मक परिवर्तन आते हैं 👇
- 🧠 बुद्धि और ज्ञान में वृद्धि – पढ़ाई और निर्णय क्षमता मजबूत होती है
- 🚧 विघ्नों का नाश – जीवन की बाधाएं दूर होती हैं
- 💼 कार्य में सफलता – नए काम, बिज़नेस और नौकरी में शुभ फल
- 🏡 घर में सुख-शांति – नकारात्मक ऊर्जा कम होती है
- 🙏 गणेश जी की कृपा – समृद्धि और शुभता का आशीर्वाद मिलता है
- 😌 मानसिक शांति – तनाव और चिंता कम होती है
⏰ पाठ करने का समय (Best Time)
- 🌅 सुबह (ब्रह्म मुहूर्त) – सबसे श्रेष्ठ समय
- 🪔 पूजा के समय – विशेष रूप से गणेश जी की आरती के साथ
- 📅 चतुर्थी (विशेष दिन) – संकष्टी चतुर्थी और गणेश चतुर्थी पर विशेष फल
- 📿 रोजाना (Daily) – नियमित पाठ करने से अधिक लाभ
❓ FAQ (अक्सर पूछे जाने वाले प्रश्न)
1. क्या गणपति अथर्वशीर्ष रोज पढ़ सकते हैं?
👉 हाँ, रोज पढ़ना बहुत शुभ माना जाता है
2. कितनी बार पाठ करना चाहिए?
👉 1, 3 या 11 बार पाठ करना उत्तम होता है
3. क्या इसे बिना पूजा के पढ़ सकते हैं?
👉 हाँ, सच्चे मन से कभी भी पढ़ सकते हैं
4. क्या विद्यार्थियों के लिए लाभकारी है?
👉 हाँ, यह बुद्धि और एकाग्रता बढ़ाने में बहुत सहायक है
5. सबसे बड़ा लाभ क्या है?
👉 जीवन के विघ्न दूर होकर सफलता और शांति प्राप्त होती है
🔥 📚 और भी पढ़ें (Related Posts)
👉 विष्णु स्तोत्र – भगवान विष्णु की कृपा पाने के लिए शक्तिशाली स्तोत्र
👉 श्रीकृष्णाष्टकम – श्रीकृष्ण की महिमा और भक्ति से भरपूर स्तुति
👉 दामोदर अष्टक – कार्तिक मास में गाया जाने वाला विशेष कृष्ण भजन
👉 मुकुंदमाला स्तोत्रम् – मोक्ष और भक्ति प्रदान करने वाला दिव्य स्तोत्र
👉 श्रीकृष्णाष्टकम – श्रीकृष्ण की महिमा और भक्ति से भरपूर स्तुति
👉 दामोदर अष्टक – कार्तिक मास में गाया जाने वाला विशेष कृष्ण भजन
👉 मुकुंदमाला स्तोत्रम् – मोक्ष और भक्ति प्रदान करने वाला दिव्य स्तोत्र
